Сумын Хөгжлийн бэрхшээлтэй иргэдийн анхдугаар чуулга уулзалтыг 2014 оны 10 дугаар сарын 13-14 хооронд 2 өдөр зохион байгууллаа. Чуулга уулзалтанд Сумын ИТХ-ын дарга Б.Ариунболд, Засаг дарга Б.Бумцэнд, Хүн эмнэлгийн нийгмийн ажилтан Б.Сэржмаа, Халамжийн байцаагч Д.Гансүх нар 2014 онд хийсэн ажлын талаар мэдээлэл хийж цаашид юу хийх, ХБИ-дэд тулгамдаж буй асуудлуудын талаар тэдний санал бодлыг сонсож, ярилцлаа. Уулзалтын үеэр ХБИ-ийн эрх ашгийг хамгаалах, тэдний нийгэмд эзлэх байрь суурийг нэмэгдүүлэх зорилгоор “Сувдан мэлмий” ТББ-ыг байгууллаа. ТББ- нь 112 гишүүнтэй, үүнээс 16-аас дээш насны 93 иргэн, 19 хүүхэд мөн 9 хүний бүрэлдэхүүнтэй удирдах зөвлөл байгуулж, тус байгууллагын даргаар Норовын Басан, дэд даргаар Норовын Эрдэнэ-Очир, Лхагвын Жаргалсайхан нар сонгогдлоо.
Мөн чуулга уулзалтанд оролцогдын дунд спорт, урлагийн олон төрлийн тэмцээн урадлааныг зохион явуулж, ХБИргэд 2 өдрийг баяр хөөртэйгээр өнгөрүүллээ.
Сувдан Мэлмий ТББ-ын 10 хүний бүрэлдхүүнтэй “Сэтгэлээс ундрах аялгуу” урлагийн тоглолт болж тус тоглолтыг 200-аад хүн үзэж сонирхолоо. Мөн тоглолтын орлогоос тодорхой хувийг цэцэрлэгт сурч байгаа хөгжлийн бэрхшээлтэй 1 хүүхдэд / Ширнэнгийн Дэлгэрцэцэг / нэг улиралын бичиг хэрэг, бусад зардлалд нэмэр болохоор мөнгөн хандив, сургуульд суралцаж байгаа хөгжлийн бэрхшээлтэй сурагч Гансүхийн Баттулгад дэвтэр, бал, мөнгөн тусламж, ахмад настан Нугзай гуайд гарын бэлэг гардууллаа.