Увс аймаг байгуулагдсаны түүхт 90 жилийн ой энэ оны 7 дугаар сарын 23-26-ны өдрүүдэд болохоор товлогдсон.
Энэхүү ойн хүрээнд аймгийн ИТХ, ЗДТГ ой зохион байгуулах Улаанбаатар хот дахь салбар комисс “Ой зохион байгуулах ажлын комисс”-ыг байгуулжээ. Салбар комиссийн даргаар Хууль Зүйн сайд, Увс Нуур бөхийн галын Тэргүүн Д.Дорлигжав, орлогч даргаар УИХ-ын гишүүн, Улаанбаатар хот дахь Увс нутгийн зөвлөлийн дарга Б.Чойжилсүрэн сонгогдож, комиссийн ажлын албыг "Тод Номын гэрэл төв"-ийн удирдах зөвлөлийн дарга Б.Бат-Амгалан ахлахаар томилогдон түүхт ойн бэлтгэл ажлыг эхлүүлсэн байна.
Аймаг байгуулагдсаны 90 жилийн ойн хүрээнд Улаанбаатар хот дахь ой зохион байгуулах салбар комиссоос 03 сарын 07-ны өдөр Буянт-Ухаа Спортын ордонд ойн арга хэмжээ болон цагаан сарын нэгдсэн золголтонд зориулсан “Дурлам Увс” нэртэй урлаг, спортын цэнгүүн зохион байгуулахаар ажиллаж байна.
Уг арга хэмжээний үеэр
· Увс нутгийн урлагийн оддын нэгдсэн тоглолт
· шигшээ бөхийн барилдаан
· ардын урлагийн болон спортын үзүүлбэр
· сумууд болон нутгийн ААН, компаниудын бүтээгдэхүүний үзэсгэлэн худалдаа, амталгаа, дуудлага худалдаа,
· аймгийн ойд зориулсан хандив өргөх зэрэг хөтөлбөрүүдтэй юм байна.
Мөн энэ жил манай сумаас гадна Сагил, Түргэн, Давст, Тариалан, , Завхан сумдын ойтой бөгөөд аймгийн ойн өмнөхөн 7 сарын 18, 19-ны өдрүүдэд болно.