Баян-Эрдэнэ баг нь 152 өрх үүнээс 147 малчин өрх, 20 мал бүхий өрх, 620 хүн амтай. 2014 онд нийт 41236 мал тоолуулжээ. Үүнээс: тэмээ-150, адуу 995, үхэр-1937, хонь-25137, ямаа- 13016 тус тус тоолуулсан. Үүнээс 17815 нь төллөх эх мал тоологджээ. Тус багт 1000-аас дээш малтай 5 өрх, 500 дээш малтай 30 өрх байна. Тус багийн иргэн Баатарын Пүрэвжав / Су.Баатарын Хөхөө/, Бадрахын Хүрлээ нар сумын сайн малчнаар шалгарлаа.
Баян-Эрдэнэ багийн Засаг дарга Баатарын Лхагва, ИНХ-ын дарга Дэлгэрийн Буянхүү, багийн хүний эмч Баттулгын Батцэнгэл, малын эмч Пүрэвийн Хандхүү нар ажиллаж байна. Багийн удирдлагууд уялдаа холбоотой ажилладаг.
- Иргэдэд төрийн үйлчилгээг чанартай хүргэж, нээллтэй хаалганы өдрийг тогтмол хийж хэвшсэн, орон нутгийн мэдээ мэдээллийг цаг алдалгүй хүргэн ажиллаж байна
- Иргэдийг идэвхижүүлж уралдаан тэмцээн олныг хамарсан арга хэмжээ зохион явуулахын зэрэгцээ иргэдийнхээ оюуны мэдлэгийг хөгжүүлэх тал анхааран ажилладаг.
- Овог, ах дүү, анги төгсөлтийн зохион байгуулалттай болсноор олон нийтийг хамарсан үйл ажиллагаа явуулахад иргэдийн багаар ажиллах чадвар сайжирсан.
- Малчид бэлчээр нутгийг хувиартай ашигладаг.
- СӨБ-д бүх хүүхэд хамрагдсан бөгөөд завсардсан сурагч байхгүй.
- Малын эрүүл ахуй, аливаа эрдэлтэй тэмцэж байнга урьдчилан сэргийлэх арга хэмжээг авч ажилладаг.
- Мал хамгаалах сан бий болгосон
- Малыг хулгайгаас урьдчилан сэргийлж ажилладаг, мөн чонотой тэмцэж багийн иргэд 40 чоно агнасан.
